Stígamót eru ráðgjafar- og stuðningsmiðstöð fyrir brotaþola kynferðisofbeldis í Reykjavík. Markmið þeirra er að veita þeim sem leita sér hjálpar skilvirka og upplýsta þjónustu.
Nýr vefur var nauðsynlegur svo fólk gæti leitað til Stígamóta allan sólarhringinn og nálgast upplýsingar á einfaldari og fljótlegri hátt. Áskoranirnar voru tvær: að finna bestu leiðina til að skipuleggja umfangsmikið efni og að gera vefinn notendavænan svo auðvelt sé að hafa samband. Eftir að nýi vefurinn fór í loftið jukust samskipti við Stígamót í gegnum vefinn verulega.
Það var teyminu okkar ánægja að styðja við svo mikilvægt málefni og vinna með Stígamótum.
Skoða vefinnAðgengi allan sólarhringinn og betri notendaupplifun leiddu til þess að fleiri höfðu samband við Stígamót. Að leita sér hjálpar í slíkum aðstæðum kallar á stafræna viðveru með aðgengilegum upplýsingum og grípandi myndefni. Við gáfum vörumerkinu ferskt yfirbragð með myndskreytingum og ólíkum tónum úr aðallitapallettunni.
Það er enginn ákveðinn tími til að leita sér hjálpar. Fólk þarf að geta leitað til Stígamóta hvar og hvenær sem er, og því þurfti vefurinn að virka vel á öllum tækjum.
